Xəbərlər

Norm Sement zavodunda enerji sektorunda fəaliyyət göstərən aparıcı beynəlxalq şirkətlərin nümayəndələri ilə növbəti görüş keçirilib. bp, SLB və Halliburton şirkətlərinin mühəndis və texniki mütəxəssislərindən ibarət nümayəndə heyəti zavoda səfər edərək istehsal prosesi ilə yaxından tanış olublar.

Ziyarət çərçivəsində qonaqlara zavodun istehsal prosesində tətbiq olunan texnologiyalar və keyfiyyətə nəzarət barədə ətraflı məlumat verilib. Daha sonra onlar zavodun sement laboratoriyasını ziyarət edib, məhsulların sınaq və keyfiyyət göstəriciləri ilə maraqlanıblar.

Görüş zamanı xüsusilə neft-qaz sənayesində istifadə olunan quyu-tamponaj sementi və onun texniki xüsusiyyətlərinə dair fikir mübadiləsi aparılıb.

Qeyd edək ki, bu görüşlər mütəmadi olaraq təşkil olunur. Məqsəd tərəfdaşlıq münasibətlərinin gücləndirilməsi, eləcə də qarşılıqlı təcrübə və bilik mübadiləsinin təşviq edilməsidır.